Kinara wa upinzani nchini Kenya Raila Odinga amepinga matokeo ya awali ya uchaguzi wa urais uliofanyika jana Jumanne, yanayoonyesha kuwa Rais wa sasa Uhuru Kenyatta anaongoza.
Akihutubia waandishi wa
habari jijini Nairobi jana usiku, Odinga ambaye amewania kiti hicho kupitia
ODM, chama tanzu katika muungano wa upinzani wa NASA ameyataja matokeo hayo
kama ‘bandia’ na yasiyoakisi uhalisia wa mambo na matakwa ya Wakenya.
Waziri mkuu huyo wa zamani
amesema Tume Huru ya Uchaguzi na Mipaka IEBC inastahili kuwapa mawakala wa
vyama Fomu Nambari 34A kutoka vituoni kabla ya matokeo kutangazwa na kwamba
kinachofanyika sasa ni sawa na ‘tarakilishi kupiga kura’.
Awali wakala mkuu wa muungano
huo wa upinzani, Musalia Mudavadi alihutubia wanahabari na kutaja matokeo
yanayotangazwa na tume hiyo katika tovuti yake kama utapeli, huku akitoa wito
kwa wafuasi wa mrengo huo kupuuzilia mbali matokeo hayo.
Hadi tunaenda mitamboni, kwa mujibu wa tovuti ya matokeo ya IEBC, Rais Uhuru Kenyatta ambaye anawania muhula wa pili kwa tiketi ya Chama cha Jubilee anaongoza kwa kura miliioni 6.9, sawa na asilimia 53 , huku Odinga akimfuata kwa karibu kwa kura milioni 5.4, sawa na asilimia 45 ya kura milioni 12.5 zilizohesabiwa kufikia sasa.
Hadi tunaenda mitamboni, kwa mujibu wa tovuti ya matokeo ya IEBC, Rais Uhuru Kenyatta ambaye anawania muhula wa pili kwa tiketi ya Chama cha Jubilee anaongoza kwa kura miliioni 6.9, sawa na asilimia 53 , huku Odinga akimfuata kwa karibu kwa kura milioni 5.4, sawa na asilimia 45 ya kura milioni 12.5 zilizohesabiwa kufikia sasa.
Ili kuibuka mshindi na
kuepusha kuingia duru ya pili ya uchaguzi, mshindi wa uchaguzi wa urais nchini
humo anahitaji kupata asilimia 50+1 ya kura, na kwa akali asilimia 25 kutoka
kaunti 24, kati ya kaunti 47 za nchi hiyo.